Ndeshja e së vërtetës për Spanjën – fitore ose dështim

Spanja dhe Greqia përballen sonte në ndeshjen e fundit të Grupit C në Eurobasket (ora 20:30).

Gjithçka është e qartë përpara këtij akti të fundit të fazës në grupe – Greqisë i mjafton një fitore për të siguruar vendin e parë, ndërsa një humbje do ta zbresë në vendin e katërt, duke e vënë përballë Francës në fazën e 1/8-ës. Për Spanjën, ndërkohë, vetëm fitorja do të thotë vazhdim në Eurobasket.

Në rast humbjeje, “La Furia Roja” do ta përfundojë turneun këtu.

Rezultatet e Greqisë në Eurobasket:

• Greqia – Italia 75:66

• Qipro – Greqia 69:96

• Gjeorgjia – Greqia 53:94

• Greqia – Bosnja e Hercegovina 77:80

Rezultatet e Spanjës në Eurobasket:

• Gjeorgjia – Spanja 83:69

• Spanja – Bosnja e Hercegovina 88:67

• Spanja – Qipro 91:47

• Italia – Spanja 67:63

Bosnja e Hercegovina e vështirësoi më tej rrugën e Spanjës drejt 1/8-ës

Një sukses i madh për kombëtaren e Bosnjës dhe Hercegovinës erdhi me fitoren ndaj Gjeorgjisë, që i siguroi kalimin në fazën me eliminim direkt. Por, në të njëjtën kohë, kjo fitore e ka shtyrë Spanjën drejt greminës.

Nëse Gjeorgjia do të kishte mposhtur Bosnjën, Spanja do të kishte kaluar tutje edhe në rast humbjeje ndaj Greqisë. Por, për shkak të këtij rezultati, skuadra e Sergio Scariolo-s tani është e detyruar të fitojë kundër rivalit më të fortë të grupit, për të shmangur eliminimin e hershëm.