Skuadrat nga Superliga dhe Liga e Parë e Kosovës po vazhdojnë përgatitjet për sezonin e ri futbollistik përmes ndeshjeve miqësore, ku trajnerët po testojnë formacionet dhe lojtarët me më pak minutazh, raporton “Kërlaçki”.
KF Llapi 1-0 FC 2 Korriku
Ndeshja u zhvillua në stadiumin “Zahir Pajaziti” në Podujevë. Goli i vetëm i takimit u shënua në minutën e 25-të nga Benjamin Zyberi, pas një aksioni të organizuar mirë dhe asistimi nga Diar Vokrri.
Trajneri i Llapit, Tahir Batatina, në këtë përballje u dha hapësirë lojtarëve që kishin pasur më pak minuta në dy ndeshjet e kaluara.
Llapi do ta zhvillojë miqësoren e fundit para nisjes drejt Ohrit të premten, përballë FC Besa Peja.
KF Dukagjini 1-1 KF Istogu
Në një tjetër përballje të zhvilluar në Klinë, Dukagjini dhe Istogu u ndanë baras 1:1.
Ndeshja shërbeu si test për të dy skuadrat që janë në fazë ndërtimi dhe kërkimi të formës optimale para sezonit të ri.
FC Ferizaj 2-1 KF Ramiz Sadiku
Ferizaj arriti një fitore ndaj ekipit të Ligës së Parë, Ramiz Sadiku, me rezultat 2:1.
Për skuadrën nga Superliga, golat u shënuan nga Rejan Thaçi dhe Betim Haxhimusa.
Kjo ndeshje i shërbeu trajnerit Arsim Abazi për të vëzhguar harmoninë mes lojtarëve të rinj dhe atyre me përvojë në skuadër.
Be the first to comment