Prishtina dhe Hajduku i Splitit kanë arritur marrëveshje për transferimin e qendërmbrojtësit 22-vjeçar Ron Raçi, i cili ka firmosur kontratë afatgjatë me klubin kroat, e cila do të zgjasë deri në verën e vitit 2029.
Raçi do t’i bashkohet menjëherë ekipit të parë të Hajdukut dhe do të mbajë fanellën me numrin 14, përcjellë “Kërlaçki”.
Me fizikun e tij imponues dhe aftësitë e dëshmuara, ai shihet si një përforcim i rëndësishëm për prapavijën e skuadrës së Splitit.
Gjatë sezonit të kaluar, Raçi pati një paraqitje shumë të mirë me Prishtinën, ku u afirmua si një nga shtyllat kryesore të skuadrës.
Ai ka regjistruar mbi 40 ndeshje zyrtare, ka shënuar 3 gola dhe ka dhënë 1 asistim, duke tërhequr vëmendjen e klubeve jashtë Kosovës.
Kualitetet e tij u konfirmuan edhe në qershor, kur mori ftesën e parë nga Kombëtarja A e Kosovës, duke debutuar në ndeshjen zyrtare kundër Komoreve.
