Tirana ka triumfuar fuqishëm në “Air Albania”, duke mposhtur rivalin e përjetshëm Partizanin me rezultatin 0-3. Bardheblutë kanë arritur kështu fitoren e parë në këtë edicion të Superiores, njëkohësisht edhe të dytën radhazi me shifrat e pastra 3-0.
Golat për Tiranën u shënuan nga Oluwabori Ayompo Falaye në minutën e 19-të dhe Tsotne Patsatsia në minutën e 31-të nga pika e bardhë, ndërsa epërsinë e vulosi Serge Tabekou në të 74-tën.
Pas kësaj fitoreje, Tirana ngjitet në kuotën e 5 pikëve, duke marrë frymëmarrjen e parë në kampionat, ndërsa Partizani mbetet në krizë të plotë, me vetëm 4 pikë dhe katër humbje rresht.
