Boksieri japonez Shigetoshi Kotari ndërron jetë pas lëndimeve të pësuara në ring.
Boksieri japonez Shigetoshi Kotari, 28 vjeç, ka ndërruar jetë nga dëmtimet e rënda në kokë të pësuara gjatë ndeshjes për titullin rajonal në kategorinë super-pesë e lehtë kundër Yamato Hata, më 2 gusht në Tokio. Përballja për titullin e Oriental and Pacific Boxing Federation (OPBF) përfundoi në barazim.
Pas ndeshjes, Kotari u dërgua menjëherë në spital dhe iu nënshtrua një operacioni urgjent në tru për shkak të hematomës subdurale — gjendje ku gjaku grumbullohet mes kafkës dhe trurit. Të njëjtën mbrëmje, edhe boksieri Hiromasa Urakawa u operua pas një nokauti në kategorinë pesë e lehtë.
Pas tragjedisë, Federata Japoneze e Boksit njoftoi se të gjitha ndeshjet për titullin OPBF do të zhvillohen në 10 raunde në vend të 12. Organizatat botërore WBO dhe WBC i kanë bërë homazh Kotarit, i cili përfundoi karrierën me 8 fitore, 2 barazime dhe 2 humbje.
