Shqipëria U21 ka pësuar humbje me rezultatin 0-2 ndaj Gjermanisë U21, në një ndeshje miqësore të zhvilluar në stadiumin “Elbasan Arena”. Sfida shërbeu si test për të dyja skuadrat, me Gjermaninë që u paraqit edhe me ndihmën e ish-mbrojtësit të njohur Shkodran Mustafi, i cili aktualisht është pjesë e stafit teknik si zëvendëstrajner.
Ndeshja nisi me intensitet të lartë nga të dyja palët, por ishin gjermanët ata që konkretizuan më mirë rastet, duke shënuar nga një gol në secilën pjesë.
Formacionet zyrtare:
Shqipëria U21 (4-4-2):
Jukaj (portier) – Muça, Fikaj, Ramaj, Bashi – Alili, Shehu, Fatai, Osmani – Brruti, Rashica
Gjermania U21 (4-3-3):
Baum (portier) – Baum, Jeltsch, Quarshie, Ullrich – Tohumcu, Kemlein, Gruda – El Mala, Tresoldi, Weiper
Pavarësisht përpjekjeve, kuqezinjtë nuk arritën të gjenin rrugën e rrjetës, ndërsa gjermanët treguan efikasitet dhe kontroll të lojës gjatë pjesës më të madhe të takimit.
