Dy skuadrat kosovare në Ligën e Konferencës, Prishtina dhe Ballkani, kanë mësuar kundërshtarët e mundshëm për raundin e tretë kualifikues, në rast se arrijnë të kalojnë fazën e dytë.
Aktualisht, të dyja skuadrat ndodhen në rrethin e dytë: Prishtina përballet me Larnen nga Irlanda e Veriut, ndërsa Ballkani me Florianan nga Malta.
Të dy klubet kanë ambicie të qarta për të kaluar më tej në kompeticionin evropian, dhe shorti i hedhur tashmë nga UEFA ka zbuluar se çfarë i pret në raundin pasardhës.
Të renditura në Grupin 3 dhe në vazon e skuadrave jo favorite, Prishtina dhe Ballkani do të përballen me fituesit e çifteve që kanë koeficient më të lartë në ranglistën evropiane.
Në listën e ndeshjeve të mundshme janë përfshirë çiftet:
- Ives Tampere – AZ Alkmaar
- St Joseph’s – Shamrock Rovers
- NK Varazdin – Santa Clara
- Vllaznia – Vikingur Reykjavik
- Paksi FC – Maribor
Prishtina dhe Ballkani përballen me një rrugëtim të vështirë, por kualifikimi në raundin e tretë do të ishte një hap i rëndësishëm.
