Arbër Hoxha
Në derbin e madh kroat që u zhvillua në Split, Arbër Hoxha ka gjetur rrugën e rrjetës pak para përfundimit të pjesës së parë, duke shënuar golin e tij të parë në këtë edicion. Dinamo në fund fitoi edhe një përballje me rivalën e përjetshëm Hajdukun, 2-0.
Arber Hoxha odradio je sjajan posao i odlično pogodio za vodstvo Dinama na Poljudu!#supersport #hnl #hajduk #dinamo pic.twitter.com/hiM0smVunV
— sportnet|HR (@sportnet_HR) September 20, 2025
Në minutën e 44-të, Hoxha mori topin rreth 30 metra nga porta, ndërmori një depërtim individual dhe me një goditje të fuqishme nga jashtë zonës shënoi golin e epërsisë për Dinamon.
25-vjeçari iu bashkua klubit më të madh kroat në janar 2024 nga Slaven Belupo dhe tashmë, në paraqitjen e tij të 52-të, ka shënuar golin e pestë me Dinamon. Përveç paraqitjeve në klub, Hoxha ka edhe 13 ndeshje me fanellën e Kombëtares së Shqipërisë, duke u bërë një nga lojtarët e rëndësishëm të brezit të ri kuqezi.
