Aston Villa - Bologna
Aston Villa regjistroi fitoren e parë zyrtare të sezonit duke mposhtur Bologna-n 1–0 në ndeshjen hapëse të fazës së grupeve në UEFA Europa League (UEL), ndërsa seria pa fitore e italianëve ndaj skuadrave angleze u zgjat në gjashtë ndeshje.
🚨 EUROPA LEAGUE! ✨
JOHN MCGINN OPENS THE SCORE! 🏴
Aston Villa 1-0 Bologna
🎥 @GoalsXtra pic.twitter.com/P0kDdfCsYT
— Polymarket FC (@PolymarketFC) September 25, 2025
Problemi kryesor i Villa-s këtë fillim sezoni kanë qenë golat, dhe dukej se Evann Guessand do të ishte ai që do të zhbllokonte “Villa Park”, kur u gjend përballë portierit, por goditja e tij u ndal me këmbë nga Łukasz Skorupski që në minutat e para. Skuadra e Unai Emeryt e nisi fort ndeshjen dhe, si një specialist i UEL-it, pa shpërblimin kur një kros i larguar keq nga këndi u ndal në këmbët e John McGinn, i cili goditi saktë në cepin e portës për të çuar vendasit në epërsi.
Tifozët shpresuan se pas golit të parë do të pasonin edhe të tjerë, por Bologna e bëri të vështirë. Donyell Malen u ndal me një ndërhyrje vendimtare që i mohoi golin e dytë Villa-s pak minuta pas avantazhit. Sa kohë rezultati ishte vetëm 1–0, italianët mbanin ende gjallë shpresat për të barazuar. Megjithatë, ata nuk përfituan nga rastet, veçanërisht Federico Bernardeschi, i cili goditi jashtë në mënyrë të pabesueshme nga një pozicion i favorshëm.
Emery nuk ishte i kënaqur me një avantazh minimal dhe brenda 15 minutave të pjesës së dytë hodhi në fushë Ollie Watkins. Sulmuesi anglez ishte pranë golit, por u ndal nga një ndërhyrje në sekondën e fundit nga Martin Vitík. Në një përplasje të dytë mes tyre, Watkins fitoi një penallti pasi u pengua nga Vitík, por Skorupski sërish doli hero duke ndalur goditjen e dobët të anglezit.
Fati u kthye nga ana e Villa-s kur goditja me kokë e Santiago Castros u përplas në traversë disa minuta pas penalltisë së humbur. Jadon Sancho, i futur nga stoli, humbi një rast të pastër pesë minuta nga fundi, duke goditur lart mbi portë, por në fund Villa ruajti rezultatin dhe mori fitoren e parë të sezonit në mënyrën më të mirë të mundshme, duke nisur kështu fushatën europiane me tri pikë të arta.
Europa League – Ndeshjet e sotme
G.A. Eagles 0–1 FCSB
Lille 2–1 Brann
Aston Villa 1–0 Bologna
Ferencvaros 1–1 Plzen
Rangers 0–1 Genk
Salzburg 0–1 FC Porto
Stuttgart 2–1 Celta Vigo
Utrecht 0–1 Lyon
Young Boys 1–4 Panathinaikos