Policia franceze ka arrestuar 101 tifozë të skuadrës italiane Roma në qytetin Nicë, të martën, një ditë para përballjes me ekipin vendas në kuadër të fazës së grupeve të Europa League, bëri të ditur prefektura lokale.
🚨Chaos in Nice before Roma’s Europa League opener! 🤯
🇫🇷 Over 100 Roma ultras were arrested with weapons , reportedly looking to provoke Nice fans.
👮♂️ 102 arrests confirmed, with 400 police on duty tonight. A tense atmosphere awaits. ⚡️pic.twitter.com/hlbTMq03gI
— SleeperFootballNews (@SleeperFootNews) September 24, 2025
Sipas një burimi të AFP-së, disa prej tifozëve italianë ishin të armatosur me shkopinj, lopata dhe “grusht të hekurt”, ndërsa endeshin në qendër të qytetit, në rivierën franceze.
Prefektura njoftoi se për ndeshjen e së mërkurës do të jenë të angazhuar mbi 400 forca policie.
“Që nga dita e djeshme, më shumë se 200 efektivë, përfshirë dy njësi të lëvizshme, janë dislokuar në qendrën e Nisës për të parandaluar çrregullime publike dhe kanë proceduar me arrestimin e 102 personave të identifikuar si ultras të Romës, që mbanin armë,” thuhet në deklaratën e publikuar të mërkurën. Më vonë, autoritetet e korrigjuan numrin e të arrestuarve në 101.
“Të gjithë këta persona janë ndaluar në paraburgim”, shton më tej komunikata.
Autoritetet vendase gjithashtu kanë ndaluar që tifozët e Romës të shfaqin shenja të dukshme të mbështetjes për ekipin e tyre në qytet, nga ora 15:00 e së martës deri në orën 12:00 të së enjtes.
Nice – AS Roma: Parashikimi i ndeshjes dhe lajmet e ekipeve
AS Roma nis fushatën e saj në Ligën e Europës kundër Nice, në një përballje ku të dyja skuadrat vijnë me ecuri të ndryshme në kampionatet respektive: francezët pas një humbjeje të rëndë në Ligue 1, ndërsa italianët pas një fitoreje të madhe në derbin me Lazion.
Lajmet nga kampi i Nice
-
Moise Bombito dhe Mohamed-Ali Cho janë pranë rikuperimit dhe mund të përfshihen.
-
Kapiteni Dante është rikthyer në stërvitje dhe pritet të jetë i gatshëm.
-
Terem Moffi dhe Jeremie Boga kanë qenë protagonistë në sulm, duke shënuar katër gola së bashku në Ligue 1.
-
Mohamed Abdelmonem dhe Youssouf Ndayishimiye mungojnë për shkak të dëmtimeve afatgjata në gjurin ACL.
Lajmet nga kampi i Romës
-
Paulo Dybala mbetet jashtë pas një dëmtimi muskulor, ndërsa Leon Bailey nuk do të rikthehet para fundit të shtatorit.
-
Mario Hermoso është rikuperuar dhe është përfshirë në listën e skuadrës.
-
Lorenzo Pellegrini, autori i golit të fitores në derbin me Lazion, pritet të mbajë vendin në formacionin titullar.
Forma e ekipeve
-
Nice: Vetëm 6 pikë në 5 javët e para të Ligue 1, duke pësuar 9 gola. Humbja 4-1 me Brest ka ngritur shqetësime mbi mbrojtjen.
-
AS Roma: 3 fitore në 4 ndeshje të para në Serie A, me një mbrojtje solide dhe disiplinë taktike nën drejtimin e Gasperinit.
Formacionet e mundshme
Nice (3-4-2-1): Diouf; Oppong, Bah, Bard; Clauss, Boudaoui, Vanhoutte, Gouveia; Diop, Boga; Moffi.
AS Roma (3-4-2-1): Svilar; Celik, Mancini, Ndicka; Rensch, Cristante, Kone, Angelino; Soule, Pellegrini; Ferguson.
