Muriqi, shqiptari që guxon dhe shënon në Bernabéu!
Vedat Muriqi ka lënë sërish gjurmë në një nga skenat më të mëdha të futbollit botëror, duke shënuar golin e tij të tretë kundër Real Madridit. Sulmuesi i Kosovës realizoi sonte në “Santiago Bernabéu”, duke konfirmuar edhe një herë se është një nga makthet e rralla të mbrojtjes madrilene.
GOAL! MURIQI!
Powerful header from Vedat to put Mallorca in the lead against Real Madrid 💪pic.twitter.com/mHy3HbTEP5
— Kosovo Football 🇽🇰 (@FootballKosovo) August 30, 2025
Pas dy golave të mëparshëm – një në Bernabéu dhe një tjetër në Son Moix – “Pirati” ka shtuar një tjetër perlë në koleksionin e tij personal, duke e bërë Realin një nga skuadrat ku ai ka lënë më shumë gjurmë në La Liga.
Muriqi u shfaq vendimtar në momentin kur skuadra e tij kishte më shumë nevojë, duke shfrytëzuar mrekullisht një krosim dhe duke tundur rrjetën përballë mijëra tifozëve madrilenë.
Ky ishte goli i tretë i tij ndaj gjigantit spanjoll, një arritje që jo vetëm e vendos atë në qendër të vëmendjes së mediave spanjolle, por gjithashtu rrit peshën e tij si lider i padiskutueshëm i Mallorcës.
