Federata Spanjolle e Futbollit (RFEF) ka aprovuar kërkesën e Villarrealit dhe Barcelonës për zhvillimin e një ndeshjeje të veçantë të kampionatit.
Sipas marrëveshjes mes dy klubeve, sfida e këtij sezoni nuk do të luhet në stadiumin “La Cerámica”, por do të zhvendoset në Miami.
Ky hap shihet si një mundësi e madhe për të zgjeruar ndikimin e La Ligas në tregun amerikan dhe për të afruar më shumë tifozët e futbollit spanjoll në SHBA.
Pas miratimit nga RFEF, çështja do t’i kalojë UEFA-s për vlerësim, e më pas do të duhet të përfshihet edhe FIFA për dhënien e lejes përfundimtare.
🚨 𝐁𝐑𝐄𝐀𝐊𝐈𝐍𝐆: The Spanish FA has approved Villarreal 🆚 Barcelona to be played in Miami at the Hard Rock Stadium 😮
Only UEFA/FIFA approval is still needed before the game in December can take place in Miami 🌴 pic.twitter.com/ta19IUSqNQ
— 433 (@433) August 11, 2025
Gjithashtu, miratimi duhet të vijë edhe nga Federata Amerikane e Futbollit dhe konfederata CONCACAF, për të bërë të mundur realizimin e këtij projekti.
Ndeshja mes Villarrealit dhe Barcelonës është parashikuar të zhvillohet më 20 dhjetor dhe, nëse kjo ide konkretizohet, do të shënojë për herë të parë në histori zhvillimin e një takimi të La Ligas jashtë territorit spanjoll.
