Xhiroja e 10 e Ligës së Parë zhvillohet këtë të shtunë në orën 15:00. Tifozët presin një ditë të mbushur me emocione dhe sfida të forta.
Kryendeshja e ditës zhvillohet në Stadiumin “Riza Lushta” në Mitrovicë, ku Trepça ’89 pret Vushtrrinë. Të dy ekipet vijnë me objektiva të qarta për fitore, duke e bërë këtë takim një nga më të priturit e xhiros.
Lideri Vëllaznimi do të përballet me Suharekën, ndërsa Feronikeli do të luajë kundër KEK-ut.
Derbi lokal do të zhvillohet mes Lirisë dhe Prizrenit, ndërsa Trepça pret Rilindjen.
Në ndeshjet e tjera, takohen: 2 Korriku – Vjosa, Istogu – Tefik Canga, Ramiz Sadiku – Dinamo dhe Besa – Kika.
Të gjitha ekipet kërkojnë pikë të rëndësishme për pozita më të mira në renditjen e Ligës së Parë.
