Përfaqësuesja e Maqedonisë së Veriut ka publikuar listën e futbollistëve të ftuar për dy ndeshjet e muajit shtator, një miqësore dhe një të vlefshme për kualifikimet e Botërorit 2026.
Skuadra e drejtuar nga selektori Bllagoja Milevski më 4 shtator do të përballet me Arabinë Saudite në Pragë, ndërsa më 7 shtator, në Shkup, do të zhvillojë një përballje zyrtare ndaj Lihtenshtajnit.
Në listën me 26 futbollistë të ftuar bie në sy prania e pesë lojtarëve shqiptarë: kapiteni Enis Bardhi, Ezgjan Alioski, Visar Musliu, Isnik Alimi, Lirim Qamili dhe Reshat Ramadani.
Risia më e madhe është ftesa e parë për mesfushorin e Shkëndijës së Tetovës, Reshat Ramadani, i cili shpërblehet për paraqitjet e shkëlqyera me klubin. 22-vjeçari konsiderohet si një nga prurjet më të rëndësishme të reja për kombëtaren.
Po ashtu, debutues është edhe Elmir Rastoder nga skuadra zvicerane Thun, që për herë të parë do të veshë fanellën kuqeverdhë.
