Mitrovica e Veriut
Salla e Sporteve në Mitrovicën e Veriut ka marrë pamje të re pas rinovimit me ulëse të reja në ngjyrat gjelbër e bardh, duke i dhënë hapësirës sportive një frymë më moderne, më komode dhe mikpritëse për sportistët dhe qytetarët.
Ky investim, sipas kryetarit të Komunës, Erden Atiq, nuk është vetëm një ndryshim estetik, por edhe një dëshmi e vizionit për një Mitrovicë të Veriut më dinamike, më të bukur dhe me më shumë hapësira që bashkojnë njerëzit përmes sportit e kulturës.
Rinovimi i sallës shihet edhe si një shenjë përkushtimi që sporti dhe kultura të mbeten ura lidhëse, duke forcuar identitetin dhe gjallërinë e qytetit.
Palestra më parë ishte me karrige të ngjyrave të flamurit serb.
