Milan – Lecce 3-0 (Gimenez 20’, Nkunku 51’, Pulisic 64’).
Milan siguroi kualifikimin në raundin e 16-të të Kupës së Italisë me një fitore të pastër 3-0 ndaj Lecce në “San Siro”. Goli i parë i sezonit nga Santiago Gimenez, një finalizim akrobatik i Christopher Nkunku dhe goli i menjëhershëm i zëvendësuesit Christian Pulisic mbyllën një mbrëmje të qetë për kuqezinjtë.
Takimi mori kthesë që në minutën e 18-të, kur mbrojtësi i Lecce, Jamil Siebert, u ndëshkua me karton të kuq pas ndërhyrjes ndaj Nkunku në limitet e zonës. Vetëm dy minuta më pas, Davide Bartesaghi asistoi bukur për Gimenez, i cili shënoi për 1-0.
Milan vazhdoi presionin dhe goditi traversën me Adrien Rabiot, ndërsa Loftus-Cheek dhe Nkunku shpërdoruan raste të pastra. Megjithatë, francezi e gjeti golin në pjesën e dytë me një goditje spektakolare pas krosimit të Saelemaekers.
Pak minuta pas aktivizimit, Christian Pulisic vulosi shifrat 3-0 me një devijim perfekt nga krosi i Youssouf Fofana. Kështu, skuadra e Massimiliano Allegri-t (i pezulluar dhe mungues në stol) tregoi efikasitet dhe thellësi në skuadër, duke kaluar me lehtësi në turin tjetër.
Në raundin e 16-të, më 3 dhjetor, Milan do të përballet me Lazion.
