Serbët e nisën në mënyrë perfekte Kampionatin Europian të Basketbollit, duke fituar dje ndaj Estonisë me rezultat 98:64. Diferenca në lojë u pa që nga fillimi, ndërsa trajneri serb pati mundësinë të kursejë lojtarët kryesorë në fund të ndeshjes.
Nikola Joviç ishte më i miri me 18 pikë dhe 6 asistime në vetëm 16 minuta, ndërsa Nikola Jokiç shtoi 11 pikë, 10 kërcime dhe 7 asistime. Avramović shënoi 13, Petrušev 12 dhe Bogdanović 11 pikë.
Te Estonia, Henri Drell u dallua me 11 pikë.
Pas kësaj fitoreje, Serbia kryeson Grupin A. Ndeshjen e radhës e luan të premten kundër Portugalisë (20:15), ndërsa Estonia do të përballet me Letoninë në orën 17:00.
Serbia, ende pa një titull kampioni evropian
Edhe pse konsiderohet si favoritja numër një në çdo kampionat evropian, me lojtarë cilësorë nga NBA, me traditë të gjatë në basketboll dhe me trajnerë të njohur, Serbia në fakt nuk ka arritur kurrë të fitojë Kampionatin Evropian.
Trofeun e kanë ngritur vetëm nën emrin e Jugosllavisë, si dhe gjatë periudhës kur luanin bashkë si Serbi dhe Mali i Zi. Mirëpo, që nga ndarja, Serbia nuk ka fituar asnjëherë ndonjë titull kontinental.
