Walid Hamidi – një algjerian që duket se zemrën e ka tashmë shqiptare

Sulmuesi i Ballkanit, Walid Hamidi ,pjesë e ekipit nga Suhareka prej dy vitesh, ka ndërtuar gjithë karrierën jashtë vendlindjes me klube shqiptare: fillimisht me Shkupin në Maqedoni, tani me Ballkanin në Kosovë.

Hamidi është familjarizuar aq shumë me kulturën dhe simbolikën tonë, sa që festimet me shqiponjë janë bërë pjesë e zakonshme pas çdo goli.

Sulmuesi i Ballkanit e nisi aventurën shqiptare te Shkupi, ku përjetoi atmosferën unike të “Shvercerave” – tifozëve të zjarrtë të njohur për këngët që i kushtojnë Kosovës dhe heroit Adem Jashari.

ALMIR KRYEZIU DHE WALID HAMIDI miqq 🧡🧡 pic.twitter.com/SWnBaalPUR

— FC Ballkani (@fcballkani) October 5, 2023

Pikërisht aty, duket se Hamidi u lidh përjetësisht me simbolet tona.

E së fundmi, ai është parë edhe me një fanellë që mban portretin e heroit kombëtar, Adem Jashari – një gjest që flet shumë.

Duket qartë: Walid Hamidi nuk është thjesht pjesë e një ekipi shqiptar – ai është bërë pjesë e shpirtit tonë.