Nga Baseli, për “Kërlaçkin” është prononcuar Edmon Thaçi, redaktor i sportit në Radio Kosova, i cili ndodhet në vendngjarje për të ndjekur nga afër përgatitjet e kombëtares së Kosovës.
Sipas Thaçit, atmosfera në kampin e “Dardanëve” është jashtëzakonisht pozitive. Ai bëri të ditur se interesimi nga diaspora ka qenë i madh, me shumë bileta të shitura për përballjen e radhës të përfaqësueses, si nga shqiptarët në Zvicër, ashtu edhe nga shtetet përreth.
“Tani ndodhem te parku ku janë grumbulluar tifozët tanë ‘Dardanët’ dhe gjithçka duket mrekullueshëm,” – tha Thaçi, duke përshkruar atmosferën festive që mbretëron mes tifozëve.
Në deklaratën e tij, ai u shpreh optimist edhe për rezultatin e ndeshjes.
“Kam bindjen që mund të marrim rezultat pozitiv, qoftë edhe fitore,” – përfundoi ai.
Tifozët e Kosovës pritet të jenë të shumtë në shkallët e stadiumit, duke e kthyer sfidën në një “mini Prishtinë” në zemër të Zvicrës.
