Java e 6-të e Abissnet Superiores nis me supersfidën Partizani – Tirana, derbin më të madh të futbollit shqiptar, që do të luhet të premten mbrëma në “Air Albania”.
Përveç rivalitetit historik, ky duel pritet të përcaktojë edhe ritmin e garës për kreun e tabelës. Të shtunën, Dinamo City pret Flamurtarin, ndërsa Vllaznia përballet me Elbasanin në Shkodër. Të dielën, Vora – Egnatia hap ditën me një ndeshje interesante, përpara se Teuta – Bylis të mbyllin javën me një sfidë që ka peshë të madhe për zonën e mbijetesës.
