Ish-mbrojtësi i djathtë i Ligës Premier, Ronnie Stam, 41 vjeç, është dënuar me shtatë vjet burg nga një gjykatë në Breda, Holandë, për përfshirje në një rrjet trafikimi droge me vlerë miliona euro.
Stam, që luajti për Wigan Athletic nga 2010 deri në 2013 me 73 paraqitje, u konsiderua nga prokurorët si një figurë kyçe në botën kriminale. Ai u shpall fajtor për kontrabandën e 724 kg kokainë, posedimin e MDMA-së dhe 18 litra oksid azoti (“gazi i qeshjes”).
Fillimisht, prokuroria kërkoi 13 vjet burg, duke e akuzuar edhe për përpjekjen për të kontrabanduar 2,217 kg kokainë me vlerë rreth 56 milionë euro. Megjithatë, disa akuza u hoqën dhe dënimi u reduktua në shtatë vjet.
Gjykata tha se Stam dhe bashkëpunëtorët tentuan të sjellin 20 kg kokainë nga Amerika e Jugut dhe pastruan rreth 2.3 milionë euro. Stam pranoi pjesëmarrjen në këtë komplot dhe shprehu pendesë. Ai do të duhet të kthejë 2 milionë euro fitime të paligjshme.
Pas një karriere të suksesshme në futboll, ku fitoi titullin e Eredivisie me Twente dhe luajti në klube si Wigan, Standard Liege dhe NAC Breda, Stam përfundoi karrierën në 2016 dhe më pas u përfshi në aktivitet kriminal.
