Ousmane Dembele i PSG-së shihet si favorit për të fituar “Topin e Artë” për edicionin 2024/25, përpara supertalentit të Barcelonës, Lamine Yamal. Ceremonia mbahet të hënën mbrëma në “Theatre du Chatelet” të Parisit.
Dembele pati një sezon të jashtëzakonshëm, me 35 gola dhe një rol kyç në triumfet e PSG-së në të gjitha garat kombëtare dhe në arritjen e finales së Kupës së Botës për Klube. Ai u shndërrua nga sulmues krahu në qendërsulmues dhe zëvendësoi me sukses Kylian Mbappen.
Në listën prej 30 të nominuarve dominojnë lojtarët e PSG-së, nëntë prej të cilëve fituan Ligën e Kampionëve, duke mposhtur Interin 5:0 në finale. Ndër ta janë edhe Hakimi, Vitinha, Donnarumma, Mendes dhe Kvaratskhelia.
Ndërkohë, 18-vjeçari Yamal ka pasur një sezon të jashtëzakonshëm me Barcelonën, me 18 gola në 55 ndeshje dhe triumf në La Liga e Kupën e Mbretit. Ai vitin e kaluar fitoi trofeun “Kopa” për lojtarin më të mirë nën 21 vjeç.
Çmimi ndahet tani për arritjet në sezonin 2024/25, jo më për vitin kalendarik. Kandidatë të tjerë përfshijnë Haaland, Kane, Salah, Vinicius Junior, Mbappe, dhe Rodrin, i cili nuk është në garë këtë vit për shkak të një lëndimi.
