Vushtrria ka njoftuar përfundimin e bashkëpunimit me dhjetë futbollistë, kontratat e të cilëve kanë përfunduar këtë verë.
Klubi ka falënderuar publikisht lojtarët për kontributin e dhënë gjatë kohës që ishin pjesë e skuadrës dhe u ka uruar suksese në vazhdimin e karrierës, përcjellë “Kërlaçki”.
“Pas përfundimit të kontratave të lojtarëve si në vijim, FC Vushtrria i falënderon të gjithë për kontributin e dhënë gjatë periudhës që ishin pjesë e klubit dhe ju uron suksese të mëtutjeshme në hapat e radhës të karrierës së tyre”, thuhet në njoftimin zyrtar.
Lojtarët që largohen janë: Drilon Fazliu, Urim Statovci, Arlis Shala, Edmon Lika, Viktor Angelov, Ardit Peposhi, Laurant Avdyli, Bleart Kastrati, Erdin Dushi, Gentrit Kovaci.
Skuadra e Armend Dallkut edicionin e kaluar arriti barazhin e Superligës, por u mposht me penallti nga Llapi në stadiumin “Fadil Vokrri”.
Be the first to comment