Një numër i konsiderueshëm tifozësh u mblodhën në stadiumin “Ferki Aliu” për të ndjekur ndeshjen miqësore mes Vushtrrisë dhe Drenicës, duke dëshmuar interesimin e madh për skuadrën në prag të sezonit të ri.
Atmosfera pozitive dhe prania e tifozëve krijuan një sfond të veçantë për këtë përballje verore, përcjellë “Kërlaçki”.
Në fushë, ishte skuadra e Superligës, Drenica, ajo që doli fituese me rezultat 3:2 ndaj Vushtrrisë, që garon në Ligën e Parë.
Të dy ekipet shfrytëzuan ndeshjen për të testuar formën e futbollistëve dhe për të ndërtuar automatizmat para fillimit të edicionit të ri.
Ndërkohë, gjatë ditës së djeshme u zhvilluan edhe disa miqësore të tjera:
- Prishtina e Re – FC Hebar Pazardzhik 1-0
- Tirana – Liria 2-3
- Vushtrria – Drenica 2-3
- Rilindja 1974 – Vëllaznimi 0-0
- Istogu – 2 Korriku 4-2
- Vihren Sandanski – Dukagjini 3-1
- Trepça ‘89 – Ramiz Sadiku 1:0
