Një tifoz i Fenerbahçes tërhoqi vëmendjen e kamerave gjatë ndeshjes së parë të playoff-it të Ligës së Kampionëve ndaj Benficës.
Ai u shfaq me një kapelë ku ishte stampuar emblema legjendare e Ushtrisë Çlirimtare të Kosovës (UÇK), duke bërë që momenti të përhapej shpejt në rrjetet sociale dhe të bëhej viral.
Fenerbahçe njihet për numrin e madh të tifozëve me origjinë shqiptare, të cilët janë të pranishëm në stadium dhe mbështesin klubin në çdo ndeshje.
Ndeshja u mbyll me rezultat të barabartë, 0:0.
Takimi i kthimit do të zhvillohet javën e ardhshme në Portugali, ku skuadrat do të përpiqen të vendosin fituesin për vendin në fazën e grupeve të Ligës së Kampionëve.
