FC Prishtina ka zyrtarizuar transferimin e mbrojtësit holandez Gladwin Curiel, i cili ka nënshkruar me klubin bardhekalter për sezonin e ri.
Curiel është një lojtar fleksibël, që mund të luajë si në qendër të mbrojtjes, ashtu edhe në krahun e djathtë, një pozicion ku Prishtina kishte nevojë të forcohej.
Përpara kësaj, ai ka mbajtur fanellën e AFC Amsterdam, duke fituar eksperiencë të vlefshme në futbollin profesionist holandez.
Me këtë transferim, FC Prishtina synon të rrisë stabilitetin në prapavijë dhe të ketë një opsion të besueshëm në mbrojtje, ndërsa për Curiel është një hap i rëndësishëm në karrierën e tij në arenën ndërkombëtare.
