Granit Xhaka ka mbërritur në Angli të hënën mbrëma, duke i hapur rrugë një transferimi befasues te Sunderland, skuadra e rikthyer këtë sezon në Premier League.
Mesfushori 32-vjeçar pritet të kryejë vizitat mjekësore gjatë ditës së martë, përpara se të firmosë një kontratë trevjeçare me “Macet e Zeza”.
Pamjet që po qarkullojnë tashmë në rrjetet sociale tregojnë momentin e mbërritjes së Xhakës në Londër, i shoqëruar nga agjenti i tij, Jose Noguera, dhe babai Ragip Xhaka. Të gjitha palët janë duke finalizuar detajet e fundit të marrëveshjes.
Granit Xhaka has landed in the North East ahead of his move to Sunderland ⌛ pic.twitter.com/B8Ie1ft3JP
— Sky Sports Premier League (@SkySportsPL) July 28, 2025
Sipas raportimeve, Sunderland ka arritur marrëveshje me Bayer Leverkusen për shumën prej 20 milionë eurosh – një investim i madh për klubin anglez dhe një lëvizje e papritur në këtë fazë të karrierës së Xhakës.
Reprezentuesi i Zvicrës pritet të zyrtarizohet së shpejti si përforcimi më i madh i Sunderlandit këtë verë.
