Përzgjedhësi i Kombëtares U21 të Kosovës, Afrim Tovërlani, ka publikuar listën e futbollistëve të ftuar për dy ndeshjet e para në kuadër të kualifikimeve për Kampionatin Evropian 2027.
Kosova U21 do të përballet me Rumaninë dhe Spanjën gjatë muajit shtator, sfida që pritet të jenë tejet të rëndësishme në rrugëtimin drejt Europianit. Në listën e publikuar janë përfshirë emra të rinj, si dhe futbollistë që kanë qenë pjesë e rregullt e kësaj kombëtareje në ndeshjet e mëparshme.
Përzgjedhësi Tovërlani do të ketë në dispozicion një grup të përzier me lojtarë që aktivizohen brenda dhe jashtë vendit, të cilët synojnë të japin më të mirën në këto përballje të vështira.
