Barcelona arriti një fitore dramatike ndaj Levantes në javën e dytë të La Ligës, duke përmbysur disavantazhin 2–0 dhe duke triumfuar 2–3 në minutat shtesë të takimit.
🚨🇪🇸 GOAL | Levante 2-3 Barcelona | Elgezabal (OG)
BARCELONA HAVE TAKEN THE LEAD IN THE 92ND MINUTE !!!!!!!!!!!!!!!!!!!!!!!!!!!!!!! COMEBACK COMPLETED !!!!!!!!!!!!!!!!!!!!!!!!!!pic.twitter.com/WUM5D260hi
— Tekkers Foot (@tekkersfoot) August 23, 2025
Levante surprizoi me një pjesë të parë të shkëlqyer, ku Romero zhbllokoi rezultatin në minutën e 15-të pas një kundërsulmi të shpejtë. Në fundin e pjesës, Morales dyfishoi me penallti, pas ndërhyrjes së VAR-it.
Barcelona reagoi fuqishëm në pjesën e dytë. Pedri shkurtoi diferencën me një goditje nga distanca në minutën e 49-të, ndërsa vetëm tre minuta më vonë Ferran Torres barazoi shifrat pas një aksioni nga goditja e këndit.
Kur gjithçka dukej se do të përfundonte në barazim, në minutën e 91-të mbrojtësi i Levantes, Unai Elgezábal, devijoi topin në portën e vet pas një përplasje në zonë, duke i dhënë Barcelonës tri pikët e plota.
Ky ishte një test i rëndësishëm për ekipin e Hansi Flick, që tregoi karakter dhe riktheu rezultatin në një fushë të vështirë. Pas kësaj fitoreje, katalanasit konfirmojnë pretendimet për titull, ndërsa Levante mbetet me zero pikë pas dy javësh.
