Dy futbollistët e përfaqësueses së Kosovës, Meriton Korenica dhe Amir Saipi, ishin në qendër të vëmendjes në ndeshjen e mbrëmshme mes CFR Cluj dhe Luganos ku më të suksesshëm nga dueli dulën skuadra rumune nda dy ndeshjet me rezultat të përgjithshëm, 1-0.
Meriton Korenica, titullar për CFR-në, u dallua për shpërthimet në mesfushë dhe qartësinë në aksione. Ai pati një goditje të rrezikshme në pjesën e parë, ndalur vetëm nga pritja e portierit Asipi. Me dy pasime kyçe dhe një karton të verdhë për ndërhyrje të fortë, Korenica dëshmoi luftë, teknikë dhe stabilitet.
Në krahun tjetër, Amir Saipi ruajti portën e Luganos të paprekur gjatë 90 minutave. Me disa ndërhyrje të sakta dhe kontroll të zonës, portieri kosovar tregoi pse është zgjedhja e parë edhe për Kosovën. Ai nuk pati faj në golin e vetëm të ndeshjes, që erdhi në kohën shtesë.
Për Kosovën, të dy lojtarët janë figura kyçe: Saipi ka fituar besimin në portë pas debutimit kundër Lituanisë, ndërsa Korenica është motor i mesfushës kreative të CFR Cluj.
Të dy pritet të jenë në qendër të planeve të trajnerit për ndeshjet e ardhshme të përfaqësueses. Forma që po shfaqin në Europë është sinjal pozitiv për ekipin kombëtar dhe selektorin, Foda.
