Sot u zhvilluan një mori ndeshjesh miqësore. Dy prej tyre, Prishtina e Re dhe Dukagjini u ndeshen me skuadrat bullgare ku ndodhën në fazën përgatitore në Bullgari, ndërsa Liria udhëtoi në Tiranë ku u takua me skuadrën e njohur vendase.
Nga skuadrat e Superligës pati edhe Drenica duke mposhtur si mysafirë në “Ferki Aliu” të Vushtrrisë skuadrën vendase, 3-2. Golat për skuadrën e Armend Dallkut shënuan prurja e re në ekip, sulmuesi Ebrima Jatta dhe mesfushori Bujar Shabani.
Ndërsa tre përballjet tjera ishin ndërmjet skuadrave të Ligës së parë. Istogu mposhti si vendas 2 Korikun e Prishtinës 4-2 me nga një dopietë të Enis Miranaj dhe Altin Mehaj. Rilindja 1974 u nda në “paqe” pa gola me Vëllaznimin dhe Trepça ’89 kundër prishtinasve të Ramiz Sadikut ka fituar me golin e Ardian Hasanit, 1-0.
Liria ka befasur këndshëm duke mposhtur skuadrën vendase të KF Tirana në fushën ndihmëse “Skender Halili”, 3-2. Golat për bardhezinjtë shënuan, dy transferet e fundit, dy herë Albion Kurtaj dhe Fitim Susuri një gol nga pika e bardhë.
Prishtina e Re – FC Hebar Pazardzik 1-0
Skuadra prishtinase sot u ndesh me anëtarin e kategorisë së dytë bullgare, FC Hebar Pazardzik, skuadër që këtë edicion ra nga kategoria elite e futbollit në Bullgarisë. Skuadra jonë ka fituar takimin minalisht, 1-0 me golin e Gomes pas asistimit të Aron Babaj
Prishtina e Re e nisi takimin me: Maycon, Prençi, Rudoviç, Hasanaj, Zeqiri, Dadet, Shabani, Baholli, Fazliu, Berisha dhe Gomes.
OFK Vihren Sandanski – Dukagjini 3-1
Dukagjini është mposhtur nga Vihren Sandanski, skuadër kjo e promovuar në kategorinë e dytë bullgare nga kategoria e tretë këtë edicion. Golin e vetëm për skuadrën tonë ka shënuar, Meris Maliqi.
REZULTATET E NDESHJEVE TË SOTME
Prishtina e Re – FC Hebar Pazardzik 1-0
Tirana – Liria 2-3
Vushtria – Drenica 2-3
Rilindja 1974 – Vëllaznimi 0-0
Istogu – 2 Korriku 4-2
Vihren Sandanski – Dukagjini 3-1
Trepça ’89 – Ramiz Sadiku 1-0
