Tifozët polakë me mesazh provokues kundër Kosovës në ndeshjen ndaj Crvena Zvezdës.
Gjatë ndeshjes së raundit të tretë kualifikues të Ligës së Kampionëve mes Lech Poznan dhe Crvena Zvezdës, e zhvilluar mbrëmjen e sotme në Poloni, tifozeria vendase ka shkaktuar reagime përmes një banderole kundër Kosovës.
Në stadiumin me kapacitet rreth 47 mijë vendesh, i mbushur pothuajse plotësisht, një pjesë e tifozëve të Lech Poznan shfaqën një pankartë me përmbajtje kundër pavarësisë së Kosovës, në mbështetje të Serbisë.
Ky veprim vjen në vazhdën e një qëndrimi të përsëritur nga grupe të tifozëve polakë, të cilët – ndryshe nga qëndrimi zyrtar i shtetit polak – shfaqin simpati për narrativat nacionaliste dhe shoviniste serbe. Polonia, në fakt, e njeh zyrtarisht Pavarësinë e Kosovës dhe është një nga mbështetëset më të mëdha të Ukrainës në përballje me agresionin rus.
Paradoksi qëndron në faktin se, megjithëse pjesa më e madhe e shoqërisë dhe politika zyrtare polake janë të pozicionuara fort kundër Rusisë dhe përkrah Ukrainës – që shpesh përkthehet edhe në distancim nga Serbia për shkak të lidhjeve të saj me Moskën – tifozeria e saj mbetet e lidhur me ideologji nonsense që mbështesin Serbinë dhe sulmojnë Kosovën.
Ky qëndrim i tifozerisë është kritikuar shpesh si kontradiktor dhe i pakuptimtë, sidomos në një kontekst ku Serbia vazhdon të mbajë qëndrime proruse dhe kundër aspiratave euroatlantike të vendeve si Kosova dhe vetë Polonia.
Në fund, rezultati 1-3 përgjigja më e mirë për “lëpirjen”.
