Llapi ka zyrtarizuar rikthimin e sulmuesit të krahut, Adem Maliqi, i cili do të veshë për herë të tretë fanellën bardhekaltër.
28-vjeçari kthehet në klubin e vendlindjes pas një edicioni të kaluar me FC Suharekën dhe tashmë është bashkuar me skuadrën në fazën përgatitore për sezonin e ri, përcjellë “Kërlaçki”.
Me eksperiencën dhe njohjen që ka për ambientin në Podujevë, Maliqi pritet të jetë një armë shtesë në repartin ofensiv të trajnerit, ndërsa klubi e pret me entuziazëm rikthimin e tij.
“Mirë se vjen aty ku zemra jote rreh më fort,” shkruan KF Llapi në njoftimin e bërë në rrjetet sociale, duke theksuar lidhjen e veçantë mes lojtarit dhe klubit.
Llapi pritet të bëjë edhe disa transferime në afatin kalimtar.
