Sparta Praga ka fituar 3-2 ndaj Mlada Boleslav në xhiron e dytë të elitës çeke, me një paraqitje shumë të mirë nga sulmuesi shqiptar Albion Rrahmani.
Ishte minuta e 22-të kur Rrahmani realizoi një gol spektakolar me goditje akrobatike, duke kaluar ekipin e tij në epërsi. Ky ishte goli i parë i sezonit për të, një sinjal se problemet e sezonit të kaluar tashmë janë lënë pas.
Sulmuesi prishtinas u vlerësua me notën 8.1 nga SofaScore, ndër më të mirët në fushë, falë angazhimit dhe efikasitetit në sulm.
𝐸𝑛𝑒𝒓𝒓𝑔𝑖𝑒 𝑆𝑝𝑎𝑟𝑡𝑎. 🧨 #acsparta pic.twitter.com/vEZhEDGrUr
— AC Sparta Praha (@ACSparta_CZ) July 27, 2025
Rrahmani pritet të ketë një rol kyç në repartin ofensiv të Spartës këtë sezon, në një ekip me synime të qarta për titull dhe suksese në Evropë.
Në këtë takim, Ermal Krasniqi mbeti në bankën rezervë pa u aktivizuar.
