Skuadra e Bashkimit triumfoi me rezultat të thellë 106:69 ndaj Vëllaznimit në ndeshjen e zhvilluar në Prizren në kuadër të xhiros së parë të Superligës.
Që nga fillimi, prizrenasit e morën kontrollin e lojës, duke fituar çdo periudhë dhe duke treguar superioritet në të dyja anët e parketit.
Vëllaznimi u paraqit kryesisht me lojtarë vendorë, gjë që ndikoi në ritmin dhe efikasitetin e skuadrës.
Te skuadra mysafire, Ziggy Ried u dallua me 26 pikë e 7 kërcime, ndërsa Atik Koshi shtoi 22 pikë e po ashtu 7 kërcime, por kontributi i tyre nuk mjaftoi për të ndalur Bashkimin.
Në anën tjetër, për Portokallezinjtë shkëlqeu TJ Brickerstaff me 24 pikë e 6 kërcime, duke udhëhequr ekipin drejt një fitoreje të sigurt në hapjen e sezonit.
