Eurohoops ka publikuar listën vjetore të kontratave më të mëdha në Euroligë – dhe këtë vit shifrat kanë kapur nivele rekord. Pas një vere ku klubet shpenzuan shuma të mëdha, për herë të parë në histori, nëntë nga dhjetë kontratat më të mëdha tejkalojnë kufirin prej 2.5 milionë eurosh neto në vit.
Megjithëse rregullat e reja të “Fair Play Financiar” synojnë të frenojnë shpenzimet, realiteti duket i kundërt. Sot, një kontratë prej 2 milionë dollarësh neto (afërsisht 1.7 milionë euro) nuk përbën më lajm, ndërsa paga mesatare neto në Euroligë vlerësohet të jetë të paktën 1 milion dollarë (rreth 850 mijë euro).
Për krahasim më të lehtë me NBA-në, të gjitha shifrat e listuara janë neto – pa taksa. Kjo ka ndikim të madh, pasi taksat e larta në disa shtete kanë ndikuar që, për shembull, Spanja të ketë vetëm një lojtar në këtë listë, ndërsa Panathinaikos i Greqisë ka tre, dhe Olympiacos e Hapoel Tel Aviv nga dy.
Në një treg gjithnjë e më konkurrues, Euro Liga po sheh një ndryshim të madh në politikën e pagave, me disa klube që shfaqin ambicie të qarta për të sfiduar ligat më të pasura të botës.
Top 11 lojtarët më të paguar në Euro Ligë (paga neto)
-
Vasilije Miciç – 4.8 milionë € (Hapoel Tel Aviv)
Kontrata e re trevjeçare me vlerë totale 14 milionë euro e vendos Miciçin në krye të listës. Ai thuhet se ka marrë edhe aksione në klub, edhe pse vlera e tyre nuk dihet. -
Kendrick Nunn – 4.5 milionë € (Panathinaikos)
Nunn refuzoi rikthimin në NBA për të rinovuar me Panathinaikosin, ku do të fitonte 8.5 milionë euro në vit nëse do të qëndronte në SHBA për të barazuar të njëjtën pagesë pas taksave. -
Sasha Vezenkov – 3.5 milionë € (Olympiacos)
Pas një periudhe në NBA, Vezenkov është kthyer në Europë me një pagë që i afrohet asaj që kishte në SHBA. -
Shane Larkin – 3.2 milionë € (Anadolu Efes)
Larkin është prej vitesh në krye të listës dhe ka kontratë të vlefshme deri më 2028. -
Dzhanan Musa – 3.0 milionë € (Dubai BC)
Paguar më mirë sesa në Real Madrid, Musa përfiton edhe nga mungesa e taksave mbi të ardhurat në Dubai. -
Evan Fournier – 2.7 milionë € (Olympiacos)
Një rritje e ndjeshme nga sezoni i kaluar, kur luajti për 1.9 milionë euro. -
Mathias Lessort – 2.7 milionë € (Panathinaikos)
Pas një sezoni të suksesshëm, Lessort rinovoi kontratën dhe hyri për herë të parë në këtë listë. -
Kostas Sloukas – 2.6 milionë € (Panathinaikos)
Transferimi i bujshëm nga Olympiacos e bëri Sloukas lojtarin e dytë grek më të paguar në histori, pas Papaloukasit. -
Mike James – 2.55 milionë € (Monaco)
Ylli i Monacos bie në vendin e nëntë nga vendi i tretë që mbante një vit më parë – pasojë e rritjes së përgjithshme të pagave.
10-11. Walter Tavares – 2.3 milionë € (Real Madrid)
I vetmi lojtar nga një klub spanjoll në këtë listë, për shkak të sistemit të ndërlikuar të taksave.
10-11. Elijah Bryant – 2.3 milionë € (Hapoel Tel Aviv)
Pas një sezoni mbresëlënës në Anadolu Efes, Bryant mori kontratën më të madhe në karrierë.
