Kombëtarja e Bosnjës dhe Hercegovinës e ka nisur me këmbë të mbarë Kampionatin Evropian të Basketbollit, duke triumfuar bindshëm ndaj Qipros me rezultat 91:64.
Ekipi i drejtuar nga trajneri i Trepçës, Adis Beçiragiq dominoi nga fillimi, kryesisht falë paraqitjes së shkëlqyer të Jusuf Nurkiç, ndërsa lojtarët e tjerë si Edin Atiç, Aleksandar Laziç dhe Amar Gegiç dhanë gjithashtu kontribut të rëndësishëm. Në fund, debutimin me pikë e shënoi edhe 15-vjeçari Tarik Hrelja, duke marrë ovacione nga tifozët.
Përkundër mungesave të rëndësishme si Dzhanan Musa dhe Xavier Castaneda, përfaqësuesja e BeH tregoi forcë dhe disiplinë, duke hapur rrugën drejt objektivave në këtë turne.
Në ndeshjen e radhës, BeH do të kërkojë një tjetër fitore për të forcuar pozitat në grup.
