Drenica ka zyrtarizuar përforcimin më të ri për repartin e mesfushës. Bëhet fjalë për mesfushorin 25-vjeçar nga Azerbajxhani, Elmir Taghiyev, i cili së fundmi ishte pjesë e klubit Kapaz PFK.
Taghiyev ka zhvilluar karrierën e tij kryesisht në kampionatin azerbajxhanas, ku ka luajtur për FK Sabail, Kapaz dhe Turan Tovuz. Në total, ai numëron 88 paraqitje zyrtare, me 2 gola dhe 3 asistime, shumica në elitën e futbollit të Azerbajxhanit (Premyer Liqa).
Taghiyev pritet të sjellë freski dhe stabilitet në mesfushën e skuadrës kuqezi, ndërsa është paralajmëruar se lojtari mund të debutojë që në ndeshjen e radhës.
Ky transferim shihet si një hap i rëndësishëm për Drenicën, e cila synon të forcojë skuadrën dhe të përmirësojë performancat në edicionin aktual të Albi Mall Superligës.
