Real Madridi ka marrë fitoren e dytë radhazi në La Liga, duke triumfuar bindshëm si mysafir ndaj Oviedos me rezultatin 0:3, në ndeshjen e vlefshme për xhiron e dytë të kampionatit spanjoll.
Protagonist i padiskutueshëm i mbrëmjes ishte Kylian Mbappé, i cili shënoi dy gola.
Francezi zhbllokoi ndeshjen në minutën e 37-të, ndërsa në minutën e 83-të vulosi dygolëshin e tij personal me një finalizim preciz.
Në kohën shtesë, Real Madridi e kompletoi fitoren me një gol nga Vinícius Júnior, i cili realizoi në minutën e 93-të për të mbyllur ndeshjen me rezultat të thellë 0:3.
Pas dy xhirove të para, Real Madridi numëron dy fitore.
Në xhiron e tretë, madrilenët do të presin Mallorcën në Santiago Bernabéu, në një tjetër ndeshje ku do të synojnë ta vazhdojnë serinë pozitive.
