Portieri i përfaqësueses së Kosovës, Arijanet “Aro” Muric, ka debutuar në mënyrën më të mirë të mundshme me fanellën e Sassuolos, duke qenë protagonist absolut në fitoren 1‑0 ndaj Lazios në javën e tretë të Serie A për sezonin 2025/26.
MURIC !!!!!🔥#Kosovo #Sassuolo #ForzaSasol #SerieA
pic.twitter.com/1LoqErAA0J
— Muric 🇽🇰 (@Muric49) September 14, 2025
Muric realizoi disa pritje vendimtare gjatë ndeshjes, ndërsa spikati veçanërisht me një ndërhyrje spektakolare ndaj sulmuesit të Lazios, Mattia Zaccagni, në një moment shumë delikat të ndeshjes. Ajo pritje, e cilësuar nga mediat italiane si “jashtëzakonisht e fuqishme dhe e vendosur”, është bërë virale në rrjetet sociale, ku tifozët dhe ekspertët e kanë vlerësuar lart paraqitjen e portierit kosovar.
Sipas platformës së njohur statistikore SofaScore, Muric ka marrë notën 7.7 për performancën e tij, duke qenë ndër më të mirët në fushë. Kjo vlerësim i lartë vjen si rezultat i ndërhyrjeve të suksesshme, sigurisë në dalje dhe kontrollit të qetë të topit në situata presioni.
Portieri 25-vjeçar iu bashkua Sassuolos këtë verë në formë huazimi nga Ipswich Town, me një opsion blerjeje në fund të sezonit. Ai vlerësohet aktualisht me një çmim tregu prej rreth 5 milionë eurosh, sipas të dhënave të Transfermarkt.
Megjithatë, në kampin e Sassuolos, ende nuk është përcaktuar zyrtarisht portieri titullar për sezonin. Trajneri Fabio Grosso ndodhet përballë një “ballotazhi” mes Muric dhe Stefano Turati, ndërsa pritet që javët e ardhshme të jenë vendimtare për të përcaktuar hierarkinë në portë.
Me një paraqitje të tillë, Aro Muric ka dërguar një mesazh të qartë: është gati të marrë rolin e titullarit dhe të bëhet një pikë kyçe për Sassuolon në këtë edicion të ri të Serie A. Paraqitja ndaj Lazios jo vetëm që rriti pritshmëritë për të ardhmen e tij në Itali, por konfirmoi edhe njëherë se Kosova ka në portë një kampion të vërtetë.
