Skuadra e FC Drenicës ka zyrtarizuar afrimin e mbrojtësit spanjoll Oier Sarriegi, i cili vjen pas një edicioni në elitën bullgare me ekipin e Beroe Stara Zagora.
28-vjeçari, me përvojë të gjerë në futbollin spanjoll, ka qenë pjesë e disa klubeve të njohura përfshirë Athletic Bilbao B, Deportivo Alavés B, si dhe ekipe të tjera si Utebo FC, CD Ebro, UD Mutilvera, CD Tudelano dhe Peña Sport.
Sipas të dhënave të transferimeve, vlera e tregut për Sarriegin në sezonin aktual është vlerësuar rreth 500 mijë euro. Ai iu bashkua Beroes në vitin 2024 nga Utebo FC si transfer i lirë, dhe tashmë është i lirë në treg, çka i ka mundësuar kalimin te FC Drenica pa kompensim.
Sarriegi gjatë karrierës së tij, ka ndërruar disa skuadra, ndërsa me këtë përforcim, Drenica synon të forcojë repartin e mbrojtjes për sezonin e ardhshëm, ndërsa pritet që përvoja e tij të ndikojë pozitivisht në performancën e skuadrës në garat vendore.
Drenica deri tani ka zhvilluar vetëm një ndeshje, atë të javës së parë në “Bajram Aliu” kundër Llapit pa gola, 0-0. Java e dytë në përballjen me Dritën është shtyer për më vonë, ndërsa nesër sërish në shtëpinë e tyre në Skenderaj e presin Prishtinën e Re.
