Ndeshjet e javës në Ligën e Parë të Kosovës do të zhvillohen sot me disa përballje mjaft interesante, që pritet të kenë ndikim të drejtpërdrejtë në garën për kreun dhe në luftën për mbijetesë.
Dy sfidat më të spikatura zhvillohen në Gjakovë dhe Istog: Vëllaznimi pret Tefik Çangën, ndërsa Istogu ballafaqohet me Feronikelin. Të dy këto duele nisin nga ora 13:00 dhe pritet të ofrojnë rivalitet të lartë.
Dinamo përballet me një udhëtim të vështirë në Suharekë, ndërsa Vushtrria udhëton drejt Prizrenit për t’u përballur me ekipin homonim. Në të njëjtën kohë, Liria shkon në Pejë për një duel me Besën, ku të dyja skuadrat kërkojnë me ngulm pikët — Liria për të shmangur fundin e tabelës, ndërsa Besa për të mbajtur hapin me kreun.
Trepça dhe Trepça ’89 do të luajnë në shtëpi në Mitrovicë dhe, të paktën në letër, kanë përballje më të lehta. “Xehtarët” do të ndeshen me KEK-un, ndërsa “Minatorët” e Trepçës ’89 presin 2 Korrikun.
Ndërkohë, dy ndeshje janë zhvilluar dje: Ramiz Sadiku ka mposhtur minimalisht Vjosën me rezultat 1-0. Pas kësaj humbjeje, pritet që Vjosa të zyrtarizojë Megzon Visokën si trajner të ri. Në takimin tjetër, Kika ka fituar ndaj Rilindjes 1974 me rezultatin 3-1.
Kërlaçki do të përcjellë çdo ndryshim rezultati.
Java 14 – Raiffeisen Liga e Parë
E shtunë, 25.10.2025
Ramiz Sadiku – Vjosa 1-0
Kika – Rilindja 1974 3-1
E diel, 26.10.2025 – Ora 13:00
Vëllaznimi – Tefik Çanga
Besa – Liria
Prizreni – Vushtrria
Trepça 89-2 – Korriku
Istogu – Feronikeli 74
Trepça – KEK-u
Suhareka – Dinamo
