Real Madrid edhe në sezonin e ri 2025/2026 mban statusin e klubit me pagat më të larta në futbollin europian. Sipas të dhënave të faqeve të specializuara Betideas dhe Capology, përcjellë Kërlaçki, paga mesatare vjetore e një futbollisti të “Los Blancos” është 11.2 milionë euro. Kjo shumë është rreth 60% më e lartë se ajo që paguajnë shumica e klubeve të tjerë të mëdhenj në kontinent.
Megjithatë, bëhet fjalë për një rënie të lehtë krahasuar me sezonin e kaluar, kur mesatarja ishte pak mbi 12 milionë euro.
Rivalët e mëdhenj
Shumë më pas vjen Barcelona, ku lojtarët fitojnë mesatarisht 7.91 milionë euro në vit, shifër më e ulët se 8.5 milionë euro që ishin një sezon më parë. Në vendin e tretë renditet Manchester City me një mesatare prej 7.43 milionë euro, duke rritur ndjeshëm shpenzimet krahasuar me sezonin e kaluar. E veçanta është se mes dhjetë klubeve më të mëdha për paga nuk gjendet asnjë klub italian.
Klubet me pagat mesatare më të larta (bruto) në botë:
-
Real Madrid – 11.2 mln €
-
Barcelona – 7.9 mln €
-
Manchester City – 7.43 mln €
-
Bayern München – 7.38 mln €
-
Liverpool & Manchester United – 6 mln €
-
Chelsea & Tottenham – 4.5 mln €
