Në Ferizaj ka përfunduar ndërtimi i tribunës së re prej dhjetë shkallësh në stadiumin ndihmës me bari sintetik, një investim i rëndësishëm për përmirësimin e kushteve infrastrukturore.
Projekti pritet të ofrojë më shumë komoditet dhe mundësi për ndjekjen e stërvitjeve dhe ndeshjeve nga tifozëria ferizajase, e cila di të rikthehet sidomos kur skuadra regjistron rezultate pozitive, përcjellë “Kërlaçki”.
Përgatitjet e FC Ferizaj për sezonin e ri vazhdojnë me ndeshje kontrolluese.
Sot, skuadra zhvilloi një miqësore kundër KEK-ut, të cilën e fitoi bindshëm me rezultat 4-0.
Golat për Ferizajn u shënuan nga Jakup Berisha (asist Remzifaik Selmani), Ergys Peposhi (dy herë – me asistime nga Gabriel Groznica dhe Betim Haxhimusa) dhe Erti Sherifi (asist Betim Haxhimusa).
Ky rezultat vjen si një sinjal pozitiv për trajnerin Arsim Abazi dhe lojtarët, duke i dhënë ekipit besim shtesë para fillimit të edicionit.
