Kuqezinjtë kanë arritur një marrëveshje parimore me Club Brugge për kartonin e 23-vjeçarit, në vlerën prej 34 milionë eurosh, plus 3 milionë euro bonuse të lidhura me performancën.
Edhe pse akoma nuk është zyrtarizuar, marrëveshja konsiderohet thuajse e mbyllur. Milani rriti ofertën e tij në fillim të kësaj jave, duke përmbushur kërkesat financiare të klubit belg, çka përshpejtoi bisedimet.
Jashari u fotografua në avionin privat, duke bërë shenjën e miratimit teksa fluturonte drejt Milanos – një tregues i qartë i emocionit dhe pritshmërive të larta për këtë kapitull të ri në karrierën e tij
📸🇨🇭 Here’s Ardon Jashari exclusive picture now on his flight for Milan ready to join Italy in order to complete his 5 years move to his dream club. #mercato
🔴⚫️ Milan, only Milan, solo Milan. pic.twitter.com/rdItW3RKzq
— Sacha Tavolieri (@sachatavolieri) August 5, 2025
Jashari pritet të jetë përforcimi i pestë i Milanit këtë verë, pas transferimeve të Luka Modriç, Samuele Ricci, Pervis Estupinan dhe Pietro Terracciano.
Klubi është gjithashtu në bisedime të avancuara për të siguruar shërbimet e Zachary Athekame nga Young Boys, me një ofertë rreth 10 milionë euro që është në diskutim.
Pasi të finalizohen detajet e fundit, Jashari pritet të udhëtojë drejt Milanos për të kryer vizitat mjekësore dhe për të nënshkruar një kontratë pesëvjeçare, me pagë vjetore rreth 2.5 milionë euro (pa përfshirë bonuset).
Me ardhjen e tij, trajneri Massimiliano Allegri do të ketë më shumë thellësi në mesfushë, ku tashmë janë emra si Modric, Ricci, Youssouf Fofana dhe Ruben Loftus-Cheek.
Jashari, që si fëmijë ka ndjekur ndeshje në “San Siro” dhe ka qenë një tifoz i flaktë i Milanit, shihet si një përforcim me potencial të madh dhe përkushtim të sinqertë ndaj klubit.
