Drejtori sportiv i FC Drita, Valon Zymberi, ka shprehur emocionet e tij të thella pas kualifikimit historik të klubit në fazën e grupeve të Conference League.
“Për mua dhe familjen time, ky sukses është realizim i një ëndrre. Ndihem i plotësuar shpirtërisht, sepse kam arritur ta shkruaj emrin tim me shkronja të arta në historinë e klubit më të lavdishëm të qytetit”, ka thënë për Kërlaçkin, Zymberi.
Ai theksoi se ky është një kapitull i merituar për Dritën: “Klubi e ka merituar këtë arritje ndoshta edhe më herët. Për çdo tifoz të Dritës dhe çdo “intelektual” të qytetit, kjo është një ëndërr që më në fund është bërë realitet.”
