Dy ndryshime të mëdha në formatin e “Final Four” për edicionin e ri në Superioren e Shqipërisë!

Abissnet Superiore,
Abissnet Superiore,

“Final Four” mbetet në fuqi edhe për sezonin 2025-26 në Abissnet Superiore, por me dy ndryshime të rëndësishme.

“Final Four” do të vijojë të jetë pjesë e formatit të kampionatit shqiptar edhe për sezonin e ri 2025-26 në Abissnet Superiore.

Sipas asaj që ka mësuar Telesport, klubet kanë rënë unanimisht dakord për të ruajtur këtë skemë, por me dy ndryshime të rëndësishme krahasuar me edicionin e kaluar.

Ndryshimet kryesore në draftin e ri të propozuar:

1. Modeli belg – Në fund të sezonit të rregullt, katër skuadrat e para do t’i përgjysmojnë pikët, njësoj si në kampionatin belg, për të nisur më pas fazën “Final Four”.

2. Ndeshje në Air Albania – Të gjashta ndeshjet e “Final Four” do të luhen në stadiumin kombëtar Air Albania, ndërsa renditja përfundimtare në këtë mini-turne do të përcaktojë skuadrat që kualifikohen për në Kupat e Europës, njësoj si sezonin e kaluar.

Klubet janë shprehur pro dhe kanë dhënë miratimin e plotë për këtë model të ri, i cili synon të sjellë më shumë rivalitet dhe spektakël në fundin e kampionatit.

495095239_18483012976064803_7731412499070231343_n