Llapi zhvilloi një ndeshje miqësore ndaj Rilindjes 1974 (3-3), e cila drejtohet nga trajneri Faruk Statovci, ndërsa vëmendja nuk shkoi vetëm te rezultati.
Sulmuesi i ri i Llapit, Elvir Gashijani, nuk u paraqit në fushë, por u pa duke bërë stërvitje të lehtë anash fushës, një sinjal i qartë se po përgatitet për një hap tjetër në karrierë.
Sipas informacioneve të portalit Kërlaçki, për Gashijanin është shfaqur interesim konkret nga Superliga e Turqisë, me Konyasporin që përmendet si destinacion i mundshëm, ndonëse ende nuk ka konfirmim zyrtar. Flitet edhe për shifër afër rreth 400,000 euro, por as kjo informatë nuk ka konfirmim zyrtar.
Gashijani, vetëm 18-vjeç, e mbylli sezonin 2024/25 me 42 ndeshje, 4 gola dhe 9 asistime në të gjitha garat, duke u shndërruar në një nga pikat e forta të Llapit në krahët e sulmit.
Ai përfaqësohet nga agjencia “AAG” e drejtuar nga Adil dhe Gramoz Vokrri si dhe Afrim Ajeti.
Be the first to comment