Fabrizio Romano tregon se si Edon Zhegrova ka gjasa të mëdha të përfundojë te Juventusi

Edon Zhegrova
Edon Zhegrova

Juventusi është rikthyer fuqishëm në garë për transferimin e Edon Zhegrovës dhe ka nisur bisedimet me Lille, sipas Fabrizio Romanos.

Ky hap vjen menjëherë pas ofertës së bërë nga Olympique Marseille për yllin kosovar.

Bianconerët po shqyrtojnë mundësinë për ta afruar 25-vjeçarin si përforcim në krahët e sulmit, duke e parë si një opsion të rëndësishëm për sezonin e ri.

Ndërkohë, Atletico Madrid është rikthyer me seriozitet në pistën e Nico Gonzalez, duke dërguar një ofertë të re zyrtare te Juventusi për anësorin argjentinas.

 

Nëse transferimi i Nico drejt Atleticos realizohet, Juventus do të ketë më shumë hapësirë financiare për të finalizuar marrëveshjen për Zhegrovën.

Situata duket se mund të çojë bardhezinjtë deri në fund të garës për të siguruar shërbimet e reprezentuesit të Kosovës.