Sulmuesi shqiptar Myrto Uzuni po vazhdon të tregojë formë të lartë në elitën e futbollit amerikan, MLS, me fanellën e Austin FC.
Ai luajti nga minuta e parë në ndeshjen e fundit ndaj San Jose Earthquakes, të cilën Austin e fitoi 3-1. Uzuni shënoi golin e dytë për ekipin e tij në minutën e 33-të, pas një kombinimi të bukur në zonë, duke vendosur rezultatin 2-0.
Për 30-vjeçarin ky ishte goli i pestë në MLS këtë sezon, ndërsa ka dhuruar edhe tre asiste.
Përveç golave në kampionat, Uzuni ka shënuar edhe dy herë në US Open Cup, duke u konfirmuar si sulmuesi kryesor dhe figura kyçe e Austin FC në vitin e tij të parë në ligën amerikane.
